Nâbi

Bağ-ı_dehrin hem hazânın hem bahârın görmüşüz Biz neşâtın da gamın da rûzgârın görmüşüz

Çok da mağrur olma kim meyhâne-i ikbâlde Biz hezâran mest-i mağrurun humârın görmüşüz

Top-ı âh-ı inkisâra pâydar olmaz yine Kişver-i câhın nice sengin hisârın görmüşüz

Bir hurûşiyle eder bin hâne-i ikbâli pest Ehl-i derdin seyl-i eşk-i inkisârın görmüşüz

Bir hadeng-i can-güdâz-ı âhtır sermâyesi Biz bu meydanın nice çâbuk-süvarın görmüşüz

Kâse-i deryûzeye tebdil olur câm-ı murat Biz bu bezmin Nâbiyâ çok bâdehârın görmüşüz

Nâbi